Gipuzkoa eta Nafarroa arteko mugan eta Aralar Parke Naturalaren barruan. Errepide ertzean, Lizarrusti portuaren gainean dago kokatua (621 m.). Gipuzkoatik, Ataun zeharkatuz iristen da (Beasaindik 18 km.). Nafarroatik, Arbizu eta Etxarri Aranaz herrietatik.
Aterpetxea: 36 litera ditu logela haundi batetan. Logela bat gutxitu fisikoentzat egokitua, logela bikoitz batetan bihurtzen da eta hirugarren ohe bat ere jar daiteke.
Jatetxea: 40 jalentzako jangela subaju ederrarekin.
Aralar Parke Naturaleko Interpretazio eta Harrera Zentroa. Sentsazio gela deritzana du bisitarien sentsazioak pizteko eta Aralarko Parke Naturalean aurki dezaketenaren ideia bat jasotzeko helburua duena, mendi ibilbideei buruzko informazioa biltzen duen gela eta jolaserako aisialdi gela bat besteak beste.
Mendi elkarte, eskola, ikastola, euskaltegi, unibertsitate eta orohar taldeentzat eskeintza bereziak. Epe laburrean ikastola eta eskolentzako mendiko egitarauak: 2, 3, 4 edo 5 egunetako egonaldiak. Mendi gidarien zerbitzua (ezinbestekoa aurretik erreserbatzea).

Aralar Parke Naturaleko sarbiderik garrantzitsuena izanik, ia kota aldaketarik gabe interes guneetara hel gaitezke erraztasunez eta zailtasun fisiko handirik gabe. Aralar mendilerroko aintzineko sarrera eta aproposena. Aralarreko gailurrik garrantzitsuenak Lizarrustitik eskura dituzue: Putterri, Pardarri, Ganbo, Irumugarrieta (1.431 m.)... Oso inguru egokia da mendi ibilaldiak egiteko, Lizarrusti bertatik igarotzen ondorengo GRak: GR12 Urmugaren Zeharkaldia, GR20 Aralarreko Itzulia, GR20.1Aralarko Itzuliko zeharbide bat Ataungo Domotik , GR35 Transhumantziaren Bidea, GR121 Gipuzkoako Bira. Ingurune honetako PR eta SLek naturan barneratutako eta historia darien ibilbideak ahalbidetzen dituzte.

Lareoko Urtegia, pagadi eta alertzetegiz inguraturik, Lizarrustitik 40 minutuetan iristen da, familientzako oso mendi ibilbide aproposa eta polita.

Lizarrustiko Pagadia, Euskalherriko bigarrena, kolore infinitoz janzten zaigu udazken aldean. Lizarrustiko haitzetan, parketxetik 5 minutura, Aitzartekoz gain, eskaladarako eskola txiki bat ekipatzen ari da.